Уочараттаах «Көмүс ааттар» бырайыак саха эстрадатыгар чаҕылхай суолу хаалларбыт мелодист, музыкант, ырыаһыт Иннокентий Сивцевка ананар

Иннокентий Сивцев Өрөспүүбүлүкэ үрдүнэн биллибит үрдүк категориялаах, көмүс тарбахтаах хирург – үрүн халааттаах аанньал этэ. Yлэтин таһынан бииргэ үлэлиир коллегаларын кытта ВИА тэринэн көрөөччү, истээччи киэн биһирэбилин ылбыта, Амма киин балыыһатын иһинэн медиктэр хордарын тэрийэн үлэлэппитэ. Кини айбыт, ыллаабыт ырыалара бу кэмҥэ диэри ыллана сылдьаллар.

Кулун тутар 16 күнүгэр киэһэ 18.30 чааска тыыннаах музыканы сэҥээрээччилэри «Көмүс ааттар. Иннокентий Сивцев» бырайыакка ыҥырабыт.

Кыттыны ылыахтара:Варя Аманатова, Василий Еремеев, Ника, Амикан, Санита Ай, Анатолий Горохов, Сайсары, Люси, «Эстрада 21» ВИА, «Медик» ансаамбыл, «Yрдэл» ансаамбыл, Василий Афанасьев (гитара), Дьулус Васильев (баян).

Бырайыак автора уонна ыытааччыта — Саха Өрөспүүбүлүкэтин  норуодунай артыыһа Александр Бурнашов.

Режиссер- Амгалена Нотара

Дьон сэргэ биһирэбилин ылбыт бырайыагы көтүтүмэҥ, ылбаҕай ырыанан олоххутун киэргэтиҥ , кэлиҥ, сылдьыҥ, дуоһуйа сынньаныҥ!

Буолар сирэ Юрий Платонов аатынан Эстрада тыйаатыра, Камернай саала.

Билсэр тел: 89142744330

Билиэттэр пр.Ленина 47 театр кассататыгар атыыланар

Онлайн билет: http://sakhaestrada.ru/